广东话读不来的话请直接无视文字,望谅勿插~
2008年真系買得好狼,明明話年年話下一年買少D,點知就一年多過一年,老老實實,自己咁買法真系唔多開心,要做一年總結只會嚇死自己,大家想睇的話請自行由
Blog的第1頁掃到去第30頁就系了~咁依家又黎個TOP10就好~
雖然已經寫緊每月最愛,但回顧全年的話,那個每月最愛又起了變化~有D玩具入手時玩得好開心,但又唔多襟睇。有D玩具入手時覺得麻麻,但細細把玩後,又或者後黎睇埋卡通後覺得好鬼正。
以下有好幾件都唔系08年的產品,但又的確很優秀很喜歡,誰叫我常常追舊呢~ HT Predator II斷手版,是08年1月的最愛,系我第一款入手的鐵血玩具,在此之前,我對鐵血戰士並不是十分喜愛,因為電影確系麻麻。但呢款真系好出色,細緻程度在當時的我看來真系驚為天人,喜歡到不得了。大大只,細節豐富,高可動,有氣勢,到今天為止依然覺得正到不行!而HT剛公布的P I血獸就更是叫我期待萬分,但到09年6月才出,有排等,但已經將他列入09年TOP10之一了~。
HT AVP-R中的Wolf地台版,雖然身體太瘦,比例出了問題,但由於PII那只的無限好感,令我亦覺得這款Wolf很靚很精細!個地台就更系可玩可擺,我曾經多次望住距欣賞發呆,我很負責任的說,呢款絕對系實物靚過上鏡的好物!
HT TDK BATMAN,心情有點複雜的一款。由公布到發售,我對距的感覺一直很麻麻,覺得整體比例都很有問題,所以遲遲無出手。後來因為見到BBQ改造得很好,所以也買了一盒回來學著改造。改造效果滿意得很,即時成只型晒!改造完後曾4次翻睇TDK呢套電影,每次睇都有新的領會,而且越來越中意只Figure。同時,強推套戲,很值得買番套碟珍藏下以及不時翻煲。但後來出的Bat-Pod我真系覺得比例很出問題,所以為了慳錢和慳位就放棄了~
HT TDK JOKER 1+2,第一版的頭部真系頂唔順,多次重油都未能滿意,大大浪費了成身的靚衫~後來出了第二版個頭部似到十足,正到非常,但就配左套出鏡只有數分鍾的銀行劫匪裝,實在無癮,好明顯HT系想大家兩套都買晒從而合成一只完美JOKER~我就無那個心力兩款都買了。後來在網上見到有人散賣第二版頭雕,雖然近300蚊買個頭都幾肉赤,但好過俾更多的錢出來買一個得個頭值錢的Figure去做配件~依家~靚晒啦,完美JOKER!
Medicom RAH蒙面超人Black,外型已經無得頂,靚過舊版太多太多,小改造後更加完美。什麼手部回彈問題我通通無視。本來我以為這只BLACK一定系見光即炒的,“所幸”金融海潚影響炒唔起,仲跌價,未買又有興趣的朋友真系唔應該錯過,依家幾靚價的!如果你同我一樣對距有無限情結,咁呢一款絕對系物超所值的!
BM RAH蒙面超人電王,初時見電王這個角色時個個都勁批距,又Bra眼又雞肶眼,但久而久之大家都接受了,更成為日本目前最受歡迎的平成拉打,確系勁。但套戲我就覺得略顯弱智,睇唔落去。在之前SIC出了電王後我更開始覺得距好有型!才決定要入這款RAH的。說起來,令我開始欣賞電王的其實是那套SIC呢,但我卻沒有購入那套SIC。得到電王時我覺得QC很好,個頭好靚,手型夠晒多,配件又夠齊,但可是對手太長顯得不太自然。於是自己動手鋸短了雙手,雖然這個小改動看似改善不大,但卻令我對這只電王更加滿意了!
BM RAH孫悟空,本來真系超愛這款的,外型和可動都達到很高的水平,但點知後來有聞爆胸,個心即時淡晒。雖然自己那只至今仍未爆,但真系難講可以挨到幾時,後來請人幫我翻模整過件胸以備不測~。即使有了這個致命的缺點,但我還是理不了這麼多了,受情結影響,他依然是我很喜歡的一只RAH。
BM RAH220 愛德華艾力克,追舊。2年前剛推出他時,我已經對距有興趣,即使我不是鋼煉迷,但亦覺得出得好正!無耐一直炒高,又少貨,總系買唔到。之後因為日本某大店執粒清貨,剛好有這只愛德華,便以合理價入手了,到手後比期待中更滿意!機械鎧同老底都做埋出黎~!之後追睇翻鋼煉的TV版和劇場版,這真是一套很好看的卡通,明年3月的第二部TV版,期待中!
Toyami膠版百獸王,因為輕身很多所以比
合金版的其差平衡性有所改善,而個身型又修得好美型,雖然有不少缺點,但同樣系情結先決,誰讓他叫百獸王!是我童年印象極之深刻的機械人!
GX-34 GunBuster,說過了,無論何時入手都能成為最愛!戰艦形態兩機都似到十足,將地台變成發射平台直頭系一絕!變形結構令人嘆贊!機械人形態外型一流,平衡和可動都在合體超合金玩具中手屈一指!唯一令我有小小頭痛的就系小配件太多,我對配件多的玩具是沒有太大好感的,那對付方法就系唔理距。其實今年入手的GX-36的傳說巨神我也很喜歡,但這款GunBuster有好好看的OVA做後盾,有熱血機械之余又有噴血美女,咁巨神當然輸左。
以上,便是我的本年TOP10,是不是很偏心?10只中有8只不是HT就是M記的1/6公仔~啊是的,我今年轉型了,未來還有更多更喜歡的1/6等著我,所以看來明年可以減少其他不必要的開支,專心玩1/6了。